Boluntarioen talde batek Abetxukuko baratzeetan Asiako liztorra kontrolatzeko lanean lagundu du

Urarteko baratzeetan berriki sortu den boluntario taldeak, “La Cuadrilla de la Huerta” izenekoak, Asiako liztorraren (Vespa velutina) erreginak harrapatzeko tranpak prestatzen eta instalatzen ari da egun hauetan, maiatzaren 15a arte, Arabako Foru Aldundiaren laguntzarekin.

Espezie inbaditzaile hori oso kaltegarria ari da izaten gure inguruneko intsektu polinizatzaileentzat, batez ere erle kolonientzat. Horren ondorioz, nekazaritzan eta frutarbolen ekoizpenean kalteak sortzen ari da, eta gizakientzat ere arriskutsua izan daiteke. Hori dena kontuan hartuta, lagun talde horrek bere laguntzatxoa ematea erabaki du, liztor espezie horren populazioa kontrolatzeko lanak eginda.