Bizikleta alokairuaren zerbitzuak arrakasta handia izan du

Bizikletak alokatzeko sistema uztailaren 15ean jarri zen abian eta azaroaren 30a arte erabili ahal izan da.

Ekimenak arrakasta handia izan du, bai erabiltzaile kopuruari dagokionez bai zerbitzuaren erabilera zuzenari zein hiritarren gogobetetzeari dagokienez. Akura garaia bukatu ondoren, 10.623 erabiltzailek eman dute izena sisteman, hots, 80 lagun baino gehiago egunero. Erabiltzaile gehienak Vitoria-Gasteizko hiritarrak eta 18 urtez gorakoak izan dira.

Alokairu kopurua 25.426koa izan da, hau da, egunero 200 bizikleta alokatu dira. Zerbitzua intentsiboki erabili da asteko egun guztietan, baina ostirala izan da asteko egunik arrakastatsuena.