Beste bi 'ibilbide Vital' Salburuko fauna ezagutzeko

Dagoeneko lau dira Salburuko parkean zehar ibiltzeko eta hezeguneko landaretza eta animaliak ezagutzeko aukera ematen duten ibilbideak; panelak eta foiletoak lagun, txango autogidatuak egin daitezke.

"Ibilbide Vital berdeak" landaretza ezagutzeko aukera ematen du, eta "ibilbide Vital urdinak" hegaztiak. Orain, beste bi gehitu behar zaizkie horiei: ibilbide horiak fauna herpetologikoa ezagutarazten du (narrastiak eta anfibioak) eta ibilbide zuriak fauna entomologikoa, intsektuak alegia.