Baso igel jauzkaria kontserbatzeko tokiko plan berria
Baso igel jauzkaria gure anfibio mehatxatuenetako bat da, eta maila autonomikoan “kaltebera” gisa katalogatuta dago. Gure udalerrian espezie horren populazioen jarraipena eta maneiua hamar urtez baino gehiagoz egin ondoren, espezie hori kontserbatzeko tokiko plan bat idatzi du Gasteizko Udalak.
Dokumentuaren lehen zatian, banaketari, populazio-tamainari, bilakaera demografikoari eta anfibio horretan eragiten duten mehatxuei buruzko ezagutza laburbiltzen da. Ondoren, Gasteizko udalerrian etorkizunean bizirik iraungo duela ziurtatzeko jarduera-plan bat egin da, eta lehen bosturtekoan jorratu beharko liratekeen ekimenak proposatu dira.