Baratzezaintza ekologikoko ikastaroen ikasturte berria aurkeztu da

Olarizuko Ingurumen Parkean natur eta nekazaritza espazio anitz daude (baso mintegiak, baratzeak, frutarbolak, urmaela, etab.).

Azkeneko bost urteotan parkean garrantzi berezia hartu dute "aisialdiko baratzezaintza ekologikoarekin" zerikusia duten jarduerak. Jarduera horiek 16 urtetik gorako pertsonentzat zuzendutako baratzezaintza ekologikoko ikastaroak dira. Bestalde, ikastaroan parte hartzen duten 55 urtetik gorakoei lursailak uzten zaizkienetik parkean jarduera berri bat sortu da, parkea bisitatzea merezi duen ingurune bihurtuz.

Ingurugiro Gaietarako Ikastegiak 2003. urterako aurreikusita dituen baratzezaintza ekologikoko jardueren artean honako hauek ditugu: "Aisialdiko baratze ekologikoak adinekoentzat" eta "Baratzezaintza ekologikoko tailerra".