Amaitu dira Olarizuko arboretoaren lehen fasearen lanak

Olarizuko arboretoa Vitoria-Gasteizko lorategi botanikoa izango denaren lehen zatia da. Bere helburua Europako eskualde guztietako zuhaitz eta zuhaisken erakusleiho izatea da. Kontinente osoko landaredi nabarmenena ezagutarazi eta kontserbatu nahi da hiritik hurbil egongo den espazio publiko batean.

Proiektua 5 fasetan garatuko da, eta bakoitza baso mota bati zuzenduta egongo da: baso mediterraneoak, baso epel submediterraneoak, baso epelak, baso borealak eta baso subalpino eta oromediterraneoak.

Lehen faseko lanetan 134 espezietako 12.000 zuhaitz, zuhaiska, mulu eta liana landatu dira, eskualde mediterraneoko baso nagusiak ordezkatuz. Lanak 2007ko urrian hasi ziren eta 2008ko otsailean amaitu dira, eta lurraren prestaketa lanak eta landaketa egiteaz gain, gune osoa alde batetik bestera zeharkatzea ahalbidetuko duen bide sare bat eraiki da. Zazpi hektareako gune hau Olarizuko zelaien ekialdean dago.

Informazio gehiago:

http://www.vitoria-gasteiz.org/anilloWeb/eu/html/4/364.shtml