2030erako Ekintza Plan baterako diagnostikoa eta estrategia
Gasteizko Nekazaritzako Elikagaien Estrategia eguneratzeko diagnostikoa 2023an hasi zen, 2014-2017ko partaidetza-prozesuan adostutako 21 helburuetatik abiatuta. Diagnostikoak helburu horiek berrantolatzen ditu esparru estrategiko eguneratu batean, hainbat tresna konbinatuz, hala nola maila anitzeko ikuspegia, trantsizioen kudeaketa eta berrikuntza-sistemen analisi funtzionala.
Argitalpenak egungo nekazaritzako elikagaien sistema aztertzen du, eta haren ingurumen-, gizarte- eta lurralde-mugak nabarmentzen ditu. Halaber, Gasteizko nekazaritzako elikagaien sistemarekin lotutako hainbat erakundek eta pertsonak sortutako ezagutza jasotzen du, elkarrizketen eta talde fokalen bidez. Ezagutza horretatik abiatuta, diagnostikoak nekazaritzako elikagaien sistemaren funtzio kritikoen mapa bat garatzen du, eta botila-lepo nagusiak identifikatzen ditu, ekoizpen- eta kontsumo-zirkuitu laburrak sustatzeko.
Horren ondorioz, argitalpenak Nekazaritzako Elikagaien 2030 Ekintza Plana bideratu behar duten ildo estrategikoak definitzen ditu, Autosufizientzia Konektatuaren kontzeptuan eta lurralde-lehiakortasunaren nozio zabalduan oinarrituta, bideragarritasun ekonomikoa, ingurumen-iraunkortasuna, gizarte-kohesioa eta horniduraren erresilientzia integratuz.