SmartEnCity proiektuaren azken konferentzia ekainean egingo da Vitoria-Gasteizen
Sei urtez ahalegin bateratua egin ondoren, Europako SmartEnCity proiektuak bere Azkeneko Konferentzia emango du 2022ko ekainaren 14an eta 15ean, Vitoria-Gasteizen.
Proiektuko erakunde kideok, pareko beste proiektu batzuekin, lotutako ekimenekin eta hainbat hiritako udal-ordezkari eta politikariekin batera, informazioz eta lankidetza-aukeraz beteriko bi egun antolatu ditugu.
Zer jasoko duzu bi egun hauetan?
- Adituen panelak, saio interaktiboak eta networking- eta lankidetza-aukerak.
- SmartEnCityren eta pareko beste proiektu batzuen eta lotutako ekimenen esperientziak, emaitzak eta ikasketa baliagarriak.
- Deskarbonizatutako etorkizuneranzko zure bidaiari hasiera emateko jardunbide, tresna eta aholku praktiko onenak.
Zer jorratuko da konferentzian?
- Esparru politikoaren ikuspegiak aurkeztuko dituzte Europako Batzordeko ordezkariek eta hiri, komunitate eta eskualde adimendunetako goi-mailako ordezkariek.
- Deskarbonizatutako hirietaranzko trantsizioa arrakastatsua izateko City4Zero Metodologia aurkeztuko da.
- Gure Itsasargi Hiriek (Vitoria-Gasteiz, Espainia; Tartu, Estonia eta Sonderborg, Danimarka) irtenbide adimendunak aurkeztuko dituzte.
- Gure Hiri Jarraitzaileek (Lecce, Italia; eta Asenovgrad, Bulgaria) erreplikatze-ikuspegia azalduko dute.
- Monitorizazio- eta ebaluazio-prozesuen emaitzak eta ondorioak aurkeztuko dira.
- SmartEnKit aurkeztuko da: erreplikatzea arrakastatsua izan dadin zure erreminta-kutxa.
- Hiri Adimendunen Sarean parte hartzea eta Smart City komunitateko adituekin ezagutza zuzenean trukatzearen onuren berri emango da.
Programa osatzeko, Smart City erakusketa eta Vitoria-Gasteizko jarduketetara bisitak egingo dira. Ekitaldiaren eguna hurbiltzen den heinean, informazio eguneratua jarriko dugu zuen eskura. Agenda hemen.