Salburuko hezeguneetan dagoen Ataria interpretazio zentroaren kafetegia irekita dago berriro

Atariaren kafetegiaren etapa berri honetako ordutegia honakoa da: asteartetik ostiralera 11:00etatik 14:00etara, eta asteburu eta jaiegunetan 10:00etatik 20:30era, etenik gabe. Udako hilabeteetan ordutegia arratsaldez luzatzea espero da, baita astegunetan ere.

Kafetegiak barra zerbitzua eta gosariak eskaintzen ditu, eta asteburuetan tokiko produktuaren aldeko apustua nabarmentzen duen mokadu-karta bat.

Araballe Sustraiak enpresari esleitu zaio zerbitzua. Enpresak esperientzia du ostalaritza-sektorean, baita beste mota batzuetako proiektuetan ere, hala nola bizikleta elektrikoen alokairuan eta ibilbide gidatuen eta beste turismo-zerbitzu batzuen eskaintzan.