Gamizko baso lursail esperimentala

CEAk, Vitoria-Gasteizko Udaleko Landa Eremuko Zerbitzuak eta Gamizko Kontzejuak akordio bat sinatu dute Gamizko Kapasoloa basoko erkamezti batean hektarea bateko lursail esperimental bat mantentzeko, bertan hainbat ikerketa egiteko. Ikerketen helburua da klima aldaketak baso lurzoru eta ekosistemetan duen eragina aztertzea, baso kudeaketaren eredua aldaketa horren ondorioetara egokitzeko.

Lursailaren gainean zuhaitzak kudeatzeko hiru erreplika ezarri dira (kontrola, bakanketa eta arraseko mozketa), bi lurzoru tratamendurekin konbinatuta (inausketa hondarrak pilatzea edo birrindutako hondakinak barreiatzea), epe luzera baso sistemak klima gertakarien aurrean duen erantzuna aztertzeko aukera ematen dutenak. Asmoa da hainbat ekimen garatzea bertan, udal erkameztien kudeaketa hobea bideratzeko. Gaur egun lursailak hiru ekimen hartzen ditu: Holisoils, Atlantis eta Decliq.