Europa Biltzar Etxea birgaitzea, handitzea eta ingurumen ikuspegia ezartzea
Europa biltzar etxea birgaitu eta handitzeko proiektuaren barruan ingurumen irizpideak hartzen ari dira kontuan, eta eraikinaren funtzionaltasuna eta erosotasuna hobetzeaz gain, baliabideak (materialak, ura, energia) eraginkortasun handiagoz erabiltzea eta eragin txikiagoa (CO2 isurketa eta hondakin gutxiago) sortzea lortu nahi da.
Birgaitu eta handitzeko proiektua amaitutakoan, energia kontsumoa erabilera unitate bakoitzeko % 60 gutxituko da. Ezartzen ari diren aurrezpen sistemei esker gasaren faktura % 80 jaistea lortuko da, eta argindarrarena, % 30.
Europa biltzar etxearen birgaitzea eredu modura erabiliko da Gasteizen gerora birgaituko diren beste ekipamendu batzuetarako.
Lanak 2015eko uda baino lehenago bukatzea aurreikusi da.
Hirigintza Sailaren gidaritzapean eta Biltzar eta Turismo Zerbitzuarekin lankidetzan, CEAk hainbat arlotan lagundu du proiektuan. Alde batetik, proiektuaren komunikazio lanak eta zabalkundea egingo ditu, eta bestalde, Energiaren Agentziaren bitartez, eraikinaren estrategia energetikoaren definizioari lotutako alderdien ardura hartu du.
