CEAk eta Udalak hainbat diru laguntza jasoko dituzte Eusko Jaurlaritzatik iraunkortasun proiektuak sustatzeko
CEAk eta Vitoria-Gasteizko Udalak diru laguntzak eskuratu dituzte Eusko Jaurlaritzak tokiko erakundeentzat duen deialdi batetik. Garapen iraunkorra bultzatzeko laguntzak dira, eta honako lerroetan erabiliko dira:
"Klima aldaketa eta atmosfera" lerroan Lakuabizkarreko Azpiegitura Berdearen proiektua (80.000 €) eta Mendebaldea proiektua ( 80.000 €) lagunduko dira. Bi proiektuok paisaiaren eta naturaren integrazio eta hobekuntzarako jarduerak egingo dituzte mota askotako berdeguneak sortuz eta horrela onura eta zerbitzu ekosistemikoak eskainiz. Lurzoruaren kalitatea hobetzeko ekintzak, CO2 hustubideak sortuko dituztenak, zoruaren iragazkortasuna hobetzen dutenak, airearen kalitaterako onak direnak, etab.
"Natur ondarea eta bioaniztasuna" lerroan, Gasteizko udalerriaren barruan dagoen Zadorra ibaiaren Kontserbazio Bereziko Eremuko bioaniztasuna sustatzeko ekintzak saritu dira (37.697 €). Landare mehatxatu zenbait, apoarmatu korrontezalea eta ibaietako habitatak duten kontserbazio egoera hobetu nahi dira. Era berean, kiropteroen komunitatearen eboluzioa ezagutu nahi da.
"Iraunkortasunerako hezkuntza" lerroan, Vitoria-Gasteizko Eskolako Agendaren programa 2015-2016 lagunduko da (9.208 €). Eskolako mugikortasun jasangarri, seguru eta autonomoa sustatu nahi dira.