Bizikleta mugikortasunaren sustapena
Hasiera: 2010
Eremua: Tokikoa
Zertan datza?
Kargako bizikleten mailegu kanpaina
2025-2026 ikasturtean, cargo bike motako bizikleten erabilera sustatzeko kanpaina bat jarri dugu abian, Gasteizko familiek beren joan-etorrietan horiek erabili ditzaten ibilgailu motorizatuaren ordezko gisa. Familiek haurrak eta objektuak garraiatzeko egokitutako kargako bizikletak doan probatzeko aukera dute.
Bizikleten udal erregistroa
Vitoria-Gasteizko Udalaren bizikleta erregistroa bizikleten datuak gordetzea eta haiek identifikatuta edukitzea ahalbidetzen duen datu basea da. Sistema honen helburu nagusia galdutako edo lapurtutako bizikletak identifikatzea eta ondoren haiek berreskuratu ahal izatea da.
Datuen bilketa eta dokumentuen prestaketa
Bizikleta planoak udalerriko bizikleta azpiegituran, bai bizikleta bideetan bai aparkalekuetan, gertatu diren azken hobekuntzak jasotzen ditu. Atzealdean, bizikletarekin lotutako hainbat alderdiri buruzko informazio gehigarria erakusten du: zaintzapeko aparkalekuen sarea, bizikleten erregistroa eta bizikletan hobeto ibiltzeko eta lapurretak saihesteko zenbait aholku.
Bestalde, hiriko hainbat tokitan instalatutako bizikleta eta patinete zenbagailuak mantentzen ditu CEAk. Denbora tarteen arabera kontsulta daitezke datuak (egunen, asteen, hilabeteen eta urteen arabera banatutako datuak daude). Eguneroko baldintza meteorologikoei (prezipitazioa eta tenperatura) buruzko informazioa ere ematen da, egun bakoitzeko igarotze kopuruarekin alderatuta.
Vitoria-Gasteizko bizikleta mugikortasunaren egoera
Vitoria-Gasteizko bizikleta mugikortasunaren egoera txostenak gure udalerrian bizikleta bidez egiten den mugikortasunari buruzko informazio orokorra biltzen du.